芋頭西米露

話咁快又到星期日既晚上,啲兩日都冇咩做過啲咩野! 星期六個晚女朋友話要煮芋頭西米露,咁我當然話好啦!

哈哈,事情當然唔會咁簡單,過程當中當然有surprise啦! 煮煮吓佢走埋黎同我講話煮啲西米係要先煮一煮跟住過泠河,咁係倒啲水既時候,倒吓倒吓咁至發覺連啲"透明"既西米都倒咗大半,我一聽到既時候,我仲問佢係唔係講吓笑,搞"gag"咋,點至佢話係"真"呀!

係咁既情況之下,佢唯有從新再煮過啦!經過幾小時既努力,美味的芋頭西米露終於完成啦,個味道都唔錯呢! 下次由我出馬先........希望跟住有時間的話,我都走去學整蛋糕先!

第一次<>牛仔<>熊仔

開張大吉,第一次寫blog,真係好興奮呀! 今日時間過得好快, 做做吓已經係三點鐘,又有啲肚餓,一個人走去KFC醫肚,花多眼亂都唔知食咩,最後要了個XX套餐A (唔係咁記得個名),有一個中磨菇飯,栗米,雞槌同埋可樂,盛惠$21.8 : ) 都幾抵食呀!!

第一日,不如講吓香港股市啦!港股已經升至15,669.2 點(15-04-2009), 一時之間,人人都歡喜苦狂,仿似牛市重臨! 到底係唔係熊仔已經走,牛仔重臨香江?抑或係熊仔抖一抖,但仲係留戀香江呢?

我相信熊仔仲留係香江,牛市依然末正式重臨,正如老曹所講,熊市二期通當會有三至六隻熊腳! 第一隻係10,676(27-10-2009),第二隻係11,344(09-03-2009).

所以我認為現在開始要小心一啲啦!由11,344點開始回升到依家已經上升了38.1%,相信當恒指迫近200天線(16,133)時阻力會開始加大.再加上美國好多大企業陸續公佈業績,又多一個變數!所以個人認為都係安全為上,不要高追!!!!個人方面,部份持股都會減持呢!